Langá er meðalstór á og blátær og veiðisvæðið er um 26 km langt með um 100 merktum veiðistöðum.  Níu til tíu feta einhenda fyrir línu 6-8 er kjörið veiðitæki og eru litlar flugur alla jafnan gjöfulastar.

Í Langá er fjöldi hylja þar sem kjörið er að gára vatnsyfirborðið til að egna laxinn til töku. Uppistaðan í aflanum er kraftmikill smálax en stærstu fiskar hvers tímabils hafa undirfarin ár verið á bilinu 12-15 pund.

Aðgegni að veiðistöðum Langár er til fyrirmyndar og heita má að hægt sé að aka að öllum merktum veiðistöðum. Áratugum saman hafa landeigendur og leigutakar nostrað við ána til að tryggja að dvöl veiðimanna við Langá verði sem ánægjulegust.

Meðalveiði síðustu 10 ára (2014-2023) er 1236 laxar, mest veiddist sumarið 2015 en þá veiddust 2616 laxar.

Hér má skoða umfjöllun og veiðistaðalýsingu fyrir Langá í Veiðimanninum.

Leiðsögumenn SVFR eru veiðimenn með mikla og langa veiðireynslu og eru valdir af kostgæfni. Með leiðsögn verður veiðin markvissari, tíminn nýtist betur, og oftar en ekki ánægjulegri. Leiðsögumenn okkar upplýsa veiðimenn um bestu veiðistaðina í ánni, búnaðinn og veiðitækni.

  Markvissari veiði

  Fagleg ráðgjöf